島嶼天光 - 音訊
島嶼天光-歌詞
親愛的媽媽 請你毋通煩惱我
tshin-ài ê má-má tshiánn lí m̄-thang huân-ló guá
原諒我 行袂開跤 我欲去對抗袂當原諒的人
guân-liōng guá kiânn bē khui-kha guá beh khì tuì-khòng bē-tàng guân-liōng ê lâng
歹勢啦 愛人啊 袂當陪你去看電影
pháinn-sè--lah ài-jîn--ah bē-tàng puê lí khì khuànn tiān-iánn
原諒我 行袂開跤 我欲去對抗欺負咱的人
guân-liōng guá kiânn bē khui-kha guá beh khì tuì-khòng khi-hū lán ê lâng
天色漸漸光 遮有一陣人
thian-sik tsiām-tsiām kng tsia ū tsi̍t-tīn lâng
為了守護咱的夢 成做更加勇敢的人
uī-liáu siú-hōo lán ê bāng tsiânn-tsò koh-khah ióng-kám ê lâng
天色漸漸光 已經不再驚惶
thian-sik tsiām-tsiām kng í-king put-tsài kiann-hiânn
現在就是彼一工 換阮做守護恁的人
hiān-tsāi tō-sī hit-tsi̍t-kang uānn guán tsò siú-hōo lín ê lâng
已經袂記哩 是第幾工 請毋通煩惱我
í-king bē-kì--leh sī tē kuí kang tshiánn m̄-thang huân-ló guá
因為阮知影 無行過寒冬 袂有花開的彼一工
in-uī guán tsai-iánn bô kiânn-kuè hân-tang bē ū hue-khui ê hit-tsi̍t-kang
天色漸漸光 天色漸漸光
thian-sik tsiām-tsiām kng thian-sik tsiām-tsiām kng
已經是更加勇敢的人
í-king sī koh-khah ióng-kám ê lâng
天色漸漸光 咱就大聲來唱著歌
thian-sik tsiām-tsiām kng lán tō tuā-siann lâi tshiùnn--tio̍h kua
一直到希望的光線 照著島嶼每一個人
it-ti̍t kàu hi-bāng ê kng-suànn tsiò--tio̍h tó-sū muí tsi̍t ê lâng
天色漸漸光 咱就大聲來唱著歌
thian-sik tsiām-tsiām kng lán tō tuā-siann lâi tshiùnn--tio̍h kua
日頭一(足百)上山 就會使轉去啦
ji̍t-thâu tsi̍t peh tsiūnn-suann tō ē-sái tńg-khì--lah
天色漸漸光 咱就大聲來唱著歌
thian-sik tsiām-tsiām kng lán tō tuā-siann lâi tshiùnn--tio̍h kua
一直到希望的光線 照著島嶼每一個人
it-ti̍t kàu hi-bāng ê kng-suànn tsiò--tio̍h tó-sū muí tsi̍t ê lâng
天色漸漸光 咱就大聲來唱著歌
thian-sik tsiām-tsiām kng lán tō tuā-siann lâi tshiùnn--tio̍h kua
日頭一(足百)上山 就會使轉去啦
ji̍t-thâu tsi̍t peh tsiūnn-suann tō ē-sái tńg-khì--lah
現在是彼一工 勇敢的台灣人
hiān-tsāi sī hit-tsi̍t-kang ióng-kám ê Tâi-uân-lâng